Қажетті өнімдер: 500 г сиыр бауыры, 250 г майонез, 4 ас қасық өсімдік майы, қара бұрыш, 150-200 г пияз, 3 жұмыртқа, тұз, 2 ас қасық ұн
Дайындалуы: бауырды пленкасынан ажыратып, жуып, орташа бөліктерге турап, еттартқыштан өткізіңіз. Жұмыртқа, ұн, тұз бен бұрыш қосып, жақсылап араластырыңыз. 3 ас қасық өсімдік майын табада қыздырып, ас қасықпен бауырдан жасалған массаны қасықтап салыңыз. Екі бетін де қабықша пайда болғанша (шамамен 3 минуттан) қуырыңыз. Тәрелкеге салып суытыңыз. Пиязды аршып, текшелеп тураңыз. 1 ас қасық өсімдік майына алтын түске енгенше қуырып алыңыз. Тәрелкеге салып, пиязды майонезбен араластырыңыз. Бауырдан пісірілген наншықтарға 1 шай қасық пиязды майонез қоспасын жағып, тағы бір наншық қойыңыз. Бетіне тағы пиязды майонезді жағыңыз. 20 минут бабына келгенше қоя тұрып, талғамыңызға қарай сәндеңіз.