Қош келдің, Әз-Наурыз!

Наурыз мерекесі дәстүрлі түрде 5000 жылдан астам уақыт бойы 21 наурызда көктемгі күн мен түннің теңескен күні атап өтіледі. Бұл – жаңа жыл мерекесі, табиғаттың жаңаруы және көктемнің кездесуі.  «Көктемнің тууын» Азияның көптеген елдерінде – Қазақстанда, Өзбекстанда, Қырғызстанда, Түркіменстанда, Түркияда, Иранда, Тәжікстанда, Ауғанстанда, Әзірбайжанда, Ирак Күрдістанда, сондай-ақ Үндістанда атап өтеді.

Көптеген халықтың салт-дәстүрлері Наурыз мейрамымен байланысты. Сонымен, бұл мереке қарсаңында барлық жұмыстарды аяқтап, үй мен шаруашылықты ретке келтіру, гүлдер, ағаштар отырғызу дәстүрге айналған.

Мерекенің өзі концерттермен, ұлттық ойындармен, театр сахналарымен, әндермен, билермен, домбыра ойнаумен және ат жарысымен өте қызықты өтеді. Сондай-ақ, бұл күні жаңа мерекелік киім кию қалыптасқан үрдіс болып табылады. Бұл мерекені қалай өткізсең, бір жыл солай өтеді деген сенім ел арасында мықты таралған.

Наурыз мейрамында дайындалатын дәстүрлі тағам – бұл «наурыз көже». Ол жеті құрамнан тұрады: су, сүт, ұн, ет (қой немесе сиыр еті), май, жарма және тұз.

Ең қызығы, Наурыз мейрамында көптеген дәстүрлер аптаның жеті күнін білдіретін жеті санымен байланысты. Атап айтар болсам, мерекелік үстелде теріден жасалған жеті табақ болуы керек, үстелдің өзі жеті затпен безендірілген, бұл күні жеті қонақты үйіне шақырып, басқа жеті шаңыраққа бару әдет болды. Мереке күні адамдар бір-біріне қонаққа барады, келген жаңа жылмен құттықтап, саулық пен бақыт, амандық және жақсылық тілейді. Адамдар Наурызды көңілді әрі жалынды қарсы алады. «Көктем туды, көктем келді» деген сөзді  әр үйден естуге болады, сондықтан осы салтанатты күні қазақтар бір-бірімен көрісіп, амандасады.

Туған жердің салт-дәстүрлері мен мәдениетіне құрметпен қарайтын Наурыз мейрамы адамдар арасында бір-бірін жақындастырып, түсінуге және кешіруге үйретеді. Мен жыл сайын жаңа жылдың басталуын және керемет Наурыз мерекесін асыға күтемін!

Жыл басы – Наурыз мереке,
Ақ нұрға әлем боянды.
Наурыз тойы береке
Тіршілік жаңа оянды!

You May Also Like

Қыс көрінісі, эссе

Эссе. «Қыс көрінісі»  Таиғаттың әрбір мезгілі мен үшін ерекше көрініс. Сол мезгілдердің…

Майлықожаның жыл мезгілдеріне арналған өлеңдеріндегі табиғат пен адамзат тіршілігінің бейнеленуі. эссе

Жыраулар поэзиясының сапа жағынан да, мазмұны мен тақырыбы жағынан да жаңа сатыға…

Мәшһүр Жүсіп Көпеевтің «Ғибратнама» өлеңіндегі бұлбұл мен қаршыға диалогі арқылы жеткізгісі келген автор ойын талдап жазыңыз, эссе

Әдебиеттегі өзіндік қолтаңбасымен ерекшеленетін қаламгердің бірі ауыз әдебиетінің үлгілерін жинақтап, жазба әдебиетіне…

Ақша туралы эссе

Ақша…   Ақша…   Ақша… Адам баласының өмір сүруі мен әрекет етуінің ажырамас құралының…