Олар бейбітшілікті қорғады , біз оны сақтаймыз!
« Ата-бабаларымыз аңсаған азаттық пен
тәуелсіздікті алдық . Ендігі мәселе – соны
ертеңге жеткізу , келесі ұрпаққа , бола-шаққа Қазақстанның осы тәуелсіздігін
аманаттау »
Н.Ә.Назарбаев.
Халқымыздың сан ғасырлар бойы аңсаған асыл арманы – тәуелсіздік!Тарихқа жүгінсек , ежелден қазақ халқы өздігінен ешқандай соғыс ашпаған , қашанда бейбітшілікті ту етіп ұстаған бейбіт халық болған.Алайда кең – байтақ жерінде мамыражай тіршілік кешкен бейбіт елге көз алартушылар көп болған.Олар оқтын – оқтын халқымызды
жан – жақтан қыспаққа алып , шабуылдап отырған .Мұндай алашапқын ұрыстар еліміздің тарихында аз болмаған .
Өткен жылдар өшкен жоқ , санада тұр,
Талай сауыт тоздырды дала – батыр, – деп ақиық ақын Мұқағали жырлағандай, солардың бәріне халқымыз қарсы тұрып , тосқауыл бола білді . Атақты батырларымыз елі мен жері үшін қасық қаны қалғанша шайқасып , шыбын жанын шүберекке түйді . Сондай бабаларымыздың бірі:Ұлы Отан Соғысының ардагері , отты жылдар солдаты , менің атам – Марданов Қаулан.
Әжем атамның соғысқа қатысқаны жайлы және жасаған ерлігі жайлы немерелерінінің басы қосылып , жиналған кезде көп әңгімелейтін . Сондағы әжемнің айтуынша атамды Маралды өңірінің барлық орыс – қазағы сыйлапты . Кейбіреулері жолшыбай келе жатып , ал кейбіреулері әдейілеп келіп амандасып кетеді екен .
Соғыс басталған кезде атам соғысқа өз еркімен сұранады . Көлбұлақ , Жылыбұлақ ауылынан аттанған бірнеше қатарлас жастарды әскери бөлім Хабаровск қаласында жинақтап , соғыс шеберлігін үйретеді деп әңгімелейді әжем . Атам Орел , Курск бағытындағы шайқастарға қатысыпты . Соғыс кезінде ауыр жарақат алған екен . Әжемнің әңгімесі бойынша ол былай болған : механикалық мергендер бригадасында соғысып жүрген кезінде 1943 жылдың 5 тамызында Белгород қаласы түбінде ауыр жарақат алған атам госпительге түседі . Жарақат алған кезде қасында өзімен аттанған бір солдат болған екен . Ол атамды солдаттардың арасынан тауып алып « Мен білетін Қаулан болса , ол бір жарақаттан өлмеуі керек » деп санитарлық бөлімшеге жеткізген екен . Содан 1944 жылдың сәуір айының 22 – сіне дейін емделіп ,қайтадан майданға аттанып , Польша , Венгрия жерлерін азат етіп , әйгілі « Катюшаны » таситын майдан жүргізушісі болыпты . Бірнеше орден мен медалды кедесіне тағып , жауынгер атам 1945 жылдың күзінде елге оралыпты.
Енді әжем әкесінің сол Ұлы Отан соғысына қатысқаны жайлы бізге неге айтып отырғандығын ойлап қарасам , келешекте біз де атамыз соғыс ардагері болды, қасық қаны қалғанша елді жаудан қорғауға ат салысқандығын мақтан етсін дегендей .
Сұм соғыстың аяқталғанына 76 жыл толса да , атам өмірден өтсе де оның қалдырған ізінің өшпейтініне көзім жетті . Оның ізін өшірмейтін – біздер , балаларынан тараған ұрпақтары .
Мен атамның жиеншары болып келемін . 7 бала тәрбиелеп , өсіріп , немере сүйген атамның ерлігін келешекетегі ұрпақтарға танытамыз деп сенемін . Менің атамдай өмір тауқыметін тартқан бабаларымыз қаншама . Біздей жалындаған ұрпақтарың барда : « Ешкім де ұмытылмайды , ештеңе де ұмытылмайды!»
Күні кеше ғана қызылдардың қырғынын , алпат аштықты , қатыгез репрессияны , сұрапыл соғысты , полигон сынағының қасіретін бастан кешкен қасиетті еліміздің ұлт ретінде тарих сахнасынан жойылып кету қаупі өте өзекті мәселе еді . Желтоқсан желімен желкені желбіреген тәуелсіздік осынау қорқынышты трогедиядан аман алып қалды .
Ақын Қ . Асқаров :
Жарқыратып асыл жырын – алмасын ,
Елін , жерін сүйіп өткен ерлер көп.
Қасетті ,қайран ғасыр сан ғасыр ,
Таланттарға кенде болып көрген жоқ , –
деп жырлағандай , халқы үшін еңірегенде етегі толып , түн қатып , түс қашып , ата жаумен арпалысқан , ақ найзаның ұшымен , ақ білектің күшімен ұшы – қиырсыз даламызды қорғаған батыр бабалардың сара жолы – бүгінгі ұрпақ аманаты . Осындай асыл ерлердің арқасында қазақ жерінің , елінің айбынын , елдігін танығандай боламыз .
Ендігі ұрпақтың мақсаты – мол біліммен қаруланып , кең – байтақ жерімізді теріс пиғылды басқыншылардан қорғау .
Тарихымыз бай , бүгініміз баянды , ертеңіміз жарқын болатынына кәміл сенемін .
Сондықтан , бабаларым тыныш ұйықта . Артыңда мендей ұрпағың бар. Болашақтың таңы жарқын болады . Кілті – қолымызда . Сол кілтпен ХХІ ғасырдың қасиетті есігін ашып , бақытты болашақтың еңсесі биік , өзгелермен терезесі тең азаматы , маңдайы жарқыраған еркін ел боламыз .