Қазақ жеріндегі ең көне өнер шығармашылығы деп – Қаратау тау шатқалдарында салынған жануарлар суретін айтуға болады.
Есік қорғанынан алтыннан жасалған 4 мыңнан астам өнер шығармалары табылған. Бұл дүние жүзілік мәдениетке қосылған баға жетпес олжа. Декоративтік қол өнер туындыларына Отырардың өте әдемі ою-өрнектеліп балшықтан жасалған ыдыстары жатады.
Киіз үйдің негізгі сәні ою-өрнекпен тамаша өрнектелген текеметтер болған.
Қазақстан кескіндемесінің тарихы Қазақстанға орыс суретшілері (олардың ішінде В.Штенберг (1818 – 1845), А.Горонович (1818 – 1889), В.Верещагин (1842 – 1904) және басқалар) келген кезеңде, ХІХ ғасырда аяқ ала бастады. Олар қазақтардың тұрмыс тіршілігін сипаттайтын суреттер салған. Қазақтың тұңғыш кәсіпқой суретшісі Әбілхан Қастеев (1904 – 1973) болды. Оның шығармашылығы сан қырлылығымен ерекшеленеді. ХХ ғасырдың 20 – 30 жылдары ағайынды Құлахмет, Қожахмет Қожықовтардың шығармашылық өрлеуі басталды.