Бейбіт елдің ұрпағымын
Мен Нұр-Сұлтан қаласы №37 мектеп-лицейінің 2 сынып оқушысымын. Аты-жөнім- Нұрболатұлы Әли.
Мен Ұлы Жеңіс мерекесі жайында өз білгенімді ортаға салмақ ойым бар.
Мектепте ұстазымның айтып, үйретуімен, үйде ата-анамның қөмегімен, теледидардан көрген кинолардан Жеңіс мерекесінің біздің еліміз үшін оңай жолмен келмегенін білдім.
Ұлы Отан соғысы 1941-1945 жылдар арасында болған. Бұл соғыс екінші дүниежүзілік соғыс болып саналады. Адамзат тарихындағы ең сұмдық соғыстың болып өткеніне жақын күндері 76 жыл толады,яғни Ұлы Жеңіске- 76 жыл. Бірақ Ұлы Жеңістің бізге қалай келгенін біз ұмытпаймыз. Жеңіс күні – бұл сан мыңдаған ұрпақ үшін ортақ мереке.
Қазақстанымның бейбіт,көңілді өмір сүруіне соғыста қайсарлықпен шайқасқан аталарымыз бен апаларымыздың еңбегі зор. Осылайша олар Отанына деген сезімін,сүйіспеншілігін туған жерін сұрапыл соғыстан қорғап дәлелдеді.Олар:Б.Момышұлы, Т.Бигельдинов, Р.Қошқарбаев,Ә.Молдағұлова, М.Мәметова, тағы басқалары.
Біз ардагер аталарымыз бен апаларымыздың еңбегін бағалаймыз. Отанымыздың бейбіт өмір сүруіне мен өз үлесімді қосамын. Барлық елде тек бейбітшілік таңы атсын деген тілегімді бала жүрегімнен тілеймін!