«Арайлы, алтын күз»
Адам табиғатпен өте тығыз байланыста екенін біз білеміз. Адам да жылдың төрт мезгіліне бейімделеді. Яғни ауа-райына байланысты киімдерін ауыстырып тұрады. Қыста қар жауады,айналамыз қарға толы болады. Ал көктемде сол қарлар еріп, жылғалардан су ағады.Жан-жануарлар төлдеп,ағаштар бүршік жара бастайды.Жазда күн шуағы шығып, құстар сайрап,балалар асыр салып ойнап мәре-сәре болады. Маған осы жыл мезгілдерінің ішінде күз уақыты керемет ұнайды.
Себебі, күз мезгілі – өте ерекше мезгіл, жапырақтар сарғайып, жерге кілем салғандай болады.Құстар жылы жаққа ұшып,қамбаларға астық құйылады. Бұл күз уақытында қоңыр салқын суық ауа-райы жаңбырлы болып, құбылып тұрады. Бау-бақшалардағы жеміс-жидектер жиналады. Аналарымыз қысқыға көкөністер тұздайды,шырындар жабады, тосап дайындайды. Күз бітіп қыс келеді, сосын келесі жылдың жақсылығын күтеміз. Әр мезгілдің адамдарға тартар өз сыйлығы бар…