Қажетті өнімдер: 150 г томат шырыны, 40 г теңіз алабұғасы, 30 г мидия, 1 тісше сарымсақ, 10 г томат пастасы, өсімдік майы, тұз, 1 лимон, 40 г балғын арқан балық, 30 г асшаян, 10 г пияз, табаско, 1/2 стақан су, құмшекер, бұрыш, аскөк
Дайындалуы: арқан балық пен теңіз алабұғасын төртбұрыштап тураңыз. Мидияларды қабыршағынан ажыратып, асқазанын алып тастап, орташа бөліктерге тураңыз. Асшаянның құйрығын тазалап, көлденеңінен екіге бөліңіз. Өсімдік майына төртбұрыштарға туралған пиязды салып, мөлдір күйге енгенше қуырып алыңыз. Мидия мен асшаянды қосыңыз. Томат пастасын қосып, аздап қайнаған су құйыңыз. Томат шырынын құйыңыз. Балық филесін салыңыз. Тұз, бұрыш, лавр жапырағы, құмшекер және езілген сарымсақ тісшесін қосып, аздап лимон шырынын құйыңыз. Сорпаның көбігін алып отырыңыз. Ыдыстың түбіне туралған аскөктерді салып, сорпаны табаско соусымен араластырып, ыдысқа құйыңыз да, үстінен тағы да аскөк себіңіз.