Сіз бұл бетке енді келіп тұрған болсаңыз, осыны басыңыз!
1 стакан суға 2 ас қасық қалақай дәрілік шөбін (крапива) салып, 10 минут қайнатыңыз. Салқындатып, жарты метр дәкеге осы қайнатпаны сіңіріңіз. Дәкені созылған теріге қойып, сыртынан асқа арналған полиэтиленді пленкамен мықтап ораңыз. Бір сағат уақыт ұстаған жөн. Терінің тонусын сақтау үшін ыстық, артынша салқын сумен душ қабылдау керек. Демалыс күндері жиі жасаған дұрыс. Душтан соң теріні сүлгімен ысқылап сүртпеген жөн. Тері құрғаған соң бадам, күнжіт, зәйтүн майларын бірдей мөлшерде араластырып жағыңыз. Жарты сағаттай уақыт шеңбер жасап, жеңіл уқалау керек.
Дерматолог дәрігердің айтуы бойынша, спорттық жаттығуларды күнделікті жасайтын қыз-келіншектерің терісі серпімді әрі қалың болады екен де, олардың басым бөлігінде жүктідік кезінде тері <жыртылуы> болмайтын көрінеді. Сонымен қатар жүтілікті жоспарлаған сәттен бастап-ақ теріге күтім жасап, майлап, уқалап, тері созылуының алдын алған дұрыс.