Шығыс медициналық дәрілік шөптермен ауырған жерді емдеп қана қоймай, бүкіл ағзаны қалпына келтіруге көмектесетін емдік әдіс көп. Оның бірі:
Қызыл ащы бұрыштың (перец) 2 данасын алып, ұсақтап турау керек. Оған 300 мл мүсәтір (нашатырь) спиртін құйып, қараңғы жерге 2 апта қойыңыз. Күн сайын ыдысты шайқап, араластырып отыру қажет. Дайын болған тұнбамен ауыратын буындарыңызды ысқылап сүртіңіз.
Ұсақтап үгітілген лавр жапырағына 200 грамм күнбағыс майын құйып, 2 апта қараңғы жерге қою керек. Бұл дәрілік май тұнбасын компресс үшін пайдалануға немесе жүйке талшықтары зақымданған дене мүшесін сылауға болады.
Буындарыңызға компресс жасағанда, дәруменге бай шипалы тұнба дайындап ішсеңіз көмегі керемет. Ағзаңыздың иммунитетін арттыруда итмұрын (шиповник) қайнатпасының орны бөлек. 1 стақан суда 50 грамм итмұрын, 50 грамм қара қарақат жемістерін қайнатыңыз. Шай ретінде күнде дайындап ішіңіз. Тек итмұрын жемісінің өзін пайдалансаңызда болады.