Жалпы сөйлеу тілі дамымауы бар балалармен жұмыс барысында басты назарға мына бағыттар алынады:
– Артикуляциялық сөйлеу аппаратының қимыл-қозғалысын белсендіру;
– Сөйлеу барысынды дұрыс тыныстауды қалыптастыру;
– Дыбыстарды түзету, машықтандыру және қою;
– Сөйлеудің әуезділігін, интонациясын қалыптастыру;
– Фонематикалық есту қабілетін дамыту;
– Байланыстырып сөйлеу тілін дамыту;
– Белсенді және енжар сөздік қорын дамыту;
Сөйлеу тілінің дамымауы әртүрлі деңгейде кездеседі. Алғашында Р.Е.Левина жалпы сөйлеу тілі дамымауын үш деңгейге бөлді. Кейіннен Т.Б.Филичева 4-ші деңгейді сипаттап қосады.
Сөйлеу тілінің жалпы дамымауының бірінші деңгейінде тілдің мүлде қалыптаспауы байқалады. Оларды мылқау балалар дейді. Бұл деңгейдегі балалардың кісімен тілдескенде анық байқалатын тіл кемістіктері мынандай болып келеді: былдырлап сөйлейді, жеке дыбыстарға еліктейді, жекелеген зат есім сөздер мен күнделікті тұрмыста айтылып жүрген етістік сөздерді пайдаланады, сөйлемді былдырлап мүлде түсініксіз етіп үзіп-үзіп айтады, сөйлемде дыбыстар анық айтылмайды, әрі тұрақсыз, құбылмалы келеді. Олар айтайын деген ойын қолдарын ербеңдету арқылы ым-ишара қолданып, ымдап түсіндіруге тырысады.
Лексикалық тақырып: Отбасы.
Мақсаты: Отбасы туралы әнгімелеу, диалог түрінде сойлесу арқылы балалардың тілдерін , сөздік қорларын дамыту, сөздің неше дыбыстан тұратынын анықтап, дыбысты есту арқылы ажырату, ой- өрістерін, танымдық қабілеттерін арттыру, жауапкершілікке тәрбиелеу.