Ұстаз – мектептiң жүрегi
Бауыржан Момышұлының «Ұстаздық – ұлы құрмет. Себебі ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді»
Ұстаз бейнесі – шәкірт үшін адамгершіліктің ең жоғары үлгісі. Ұстаз — өзінің бар күшін, бүкіл өмірін бала тәрбиесіне береди .
Шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деп бекер айтпаған. Ұстаз болу — екінің бірінің қолынан келмес, үлкен жауапкершілікті қажет етеді.
Ұстаздың әділдігі, адалдығы, мінез сұлулығы, іс пен сөз бірлігі, шыншылдығы, ұстамдылығы күн сайын балалар тарапынан баға алып отырады. Ол – әрі ғалым, әрі шешен, әрі көшбасшы.
Мектеп — балалардың екінші үйі болса, ал ұстаздар екінші анасы. Алайда баланың тілін тауып, жақсы тәрбие берудің өзі бір үлкен ғанибет. Мұғалім – оқушы үшін мектептегі үлгі болар жанның бірі. Бізде солардан үлгі аламыз.
«Қыран түлегіне қайтпас қанат сыйлайды, ұстаз баласына талмас қайрат сыйлайды» демекші әр кезде де мектептің жүрегі, қоғамның тірегі бола білетін барша ұстаздарымды мақтан тұтамын!